Me masat e reja që janë vendosur nga Qeveria e Kosovës vazhdon të mbetet në fuqi kufizimi i lëvizjes për qytetarët nga ora 22:00 deri në 05:00.
Nga sot klientët dhe stafi i gastronomisë janë të obliguar të kenë certifikatën e vaksinës ose testet negativ Covid-19 për të hyrë në ambientet e brendshme të lokaleve, shkruan Gazeta Shneta.
Gastronomët mund të shfrytëzojnë deri në 50 për qind të kapacitetit të ambienteve të brendshme, ndërsa 70 për qind në hapësirat e jashtme. Orari i punës mbetet i njëjtë deri në ora 21:30.
Aktivitetet kulturore lejohen të shfrytëzojnë deri në 50 për qind të kapacitetit, me dëshminë e vaksinës ose testit.
Nga data 13 tetor do të kërkohet certifikata e vaksinimit të plotë për hyrje në Republikën e Kosovës, si dhe masa e njëjtë do të vlejë edhe për institucionet publike. Pra nuk do të mjaftojë më vetëm një dozë. /Gazeta Shneta/
