Komisionet përzgjedhëse kanë publikuar rezultatet e testit me shkrim në konkurset për drejtor të Barnatores Qendrore dhe në dy spitale, në Gjakovë dhe Prizren.
Në konkursin për Drejtor të Barnatores Qendrore në QKUK, kandidatja Gëzime Pllana-Bërnjashi ka dal e para me 68 pikë, ndërsa në vendin e dytë është Visar Emini me 54 pikë. Kandidati i tretë Erblin Elezi nuk ka marr fare pjesë në test, shkruan Gazeta Shneta.
Kujtojmë se Gazeta ka raportuar ditë më parë për kandidaten Gëzim Pllana e cila është farmaciste përgjegjëse edhe në kompaninë farmaceutike “Altupharma”.
Ndërkaq, në Spitalin e Prizrenit në test kanë hyrë 4 nga 5 kandidatët. Dr. Afrim Avdaj ka dal i pari me 86 pikë, Dr. Sylejman Nishori i dyti me 82 pikë, Dr. Naser Ejupi me 34 pikë dhe Dr. Ali Hoti me 28 pikë. Ndërsa Dr. Shpend Zajmi ka munguar në test. Dy të parët, Avdaj dhe Nishori do të vazhdojnë tutje në intervistën me gojë.
Ndërkaq konkurrencë më e fortë është në Spitalin e Gjakovës. Atje e kanë kaluar testin me shkrim katër kandidatë: Dr. Sebahudin Bytyqi është i pari me 81 pikë, Besart Gashi i dyti me 75 pikë, Dr. Afrim Dervishi 73 pikë dhe Dr. Ahmet Asllani 68 pikë.
Ndërsa testin nuk e kanë kaluar Dr. Valdet Spahija, Dr. Arbnore Grezda dhe farmacisti Hilmi Shala. /Gazeta Shneta/