Kim Kardashian dhe Kanye West së shpejti do të bëhen prindër për herë të katërt, pasi nëna surrogate e fëmijës së tyre është gati për procesin e lindjes.
Kim supozohej të ishte e pranishme në The Ellen DeGeneres Show për të surprizuar Kris Jenner së bashku me fëmijët e saj dhe të Kourtney-t, por nuk mundi. Kjo ishte një surprizë edhe për vetë Kris Jenner, e cila nuk ishte në dijeni se po vjen në jetë fëmija i katërt i çiftit West.
Nëse nuk e dini, Kim dhe Kanye do të bëhen prindër të një djali, emri i të cilit nuk është zbuluar ende. Në janar, Kim u shpreh se “po mendon për disa emra armenë në nder të origjinës së saj”, por nuk është vendosur ende.
I surprised @KrisJenner with 6 of her grandchildren. Then I surprised her with one more. Sending love to you, @KimKardashian and @KanyeWest! @kourtneykardash pic.twitter.com/7SzHA2sahM
— Ellen DeGeneres (@TheEllenShow) May 10, 2019
Bebi i ardhshëm do të jetë fëmija i katërt i familjes West, pas vogëlushes North 5-vjeçare, djalit Saint 3 vjeç dhe vajzës Chicago, 1 vjeçe. Chicago erdhi në jetë gjithashtu përmes një lindjeje surrogate. Asokohe, mjekët këshilluan që Kim të mos ngelte më shtatzënë për shkak të arsyeve shëndetësore. (Lindje surrogate – kur një grua lind fëmijën e një gruaje tjetër, duke fekonduar vezën e saj nga partneri i gruas tjetër, ose duke implantuar vezën e fekonduar të gruas tjetër në mitrën e saj).
Në fund të prillit, Kim dhe familja e miqtë e saj kremtuan bebin e katërt në një baby shower me temë CBD – ndryshe cannabidiol, është një prej cannabinoideve të identifikuara në bimët e kanabisit dhe është përgjegjës për 40% të ekstraktit të bimës. CBD ka aftësi relaksuese dhe në Amerikë mund të përdoret edhe për trajtimin e epilepsisë.
Kim donte një festë me temë CBD sepse ishte shumë në stres për fëmijën e katërt. “Jam në panik! Dua një baby shower të qetë, me temë CBD… Masazhe për të gjithë, meditime, qetësia para stuhisë,” tha ajo për E! në fillim të vitit.