Studimet e fundit rreth fertilitetit kanë bërë me dije se në vitet e fundit lindjet me trenjakë nuk janë më një gjë e rrallë.
Por, mjekët ende i konsiderojnë shtatëzënitë e shumëfishta me rrezik të lartë. Por ka gjëra të drejtpërdrejta, të thjeshta që mund t’i ndihmojnë nënat shtatzëna për të kaluar një eksperiencë të mirë gjatë shtatzënisë, transmeton GazetaShneta.
Për fillestarë, zgjidhni një mjek të mirë dhe një ekip mjekësor që ju përkrahë në çdo hap. Ata do të bëhen miqtë tuaj më të mirë për muajt e ardhshëm, përcjellë “Huffpost”.
Gratë shtatzëna me trenjakë duhet të presin ta shohin mjekun e tyre çdo dy javë, thotë Dr Dimitry Zilberman, një mjek obstetër dhe gjinekolog në SHBA.
Kjo do të vazhdojë derisa fetuset tuaj të arrijnë 24 javë. Pas kësaj, është një vizitë mjekësore një herë në javë deri në lindje.
Ushqimi për katër?
Mjekët mund t’iu përshkruajnë vitamina shtesë të shtatzënisë, acid folik ose pilula hekuri për t’u siguruar që nënat të marrin vlera ushqyese të mjaftueshme.
Shuma e kalorive ekstra që ju nevojiten varen nga sa jeni aktive. Nënat me lindje të shumëfishtë mund të kenë nevojë të marrin deri në 600 kalori shtesë në ditë për të fituar sasinë e duhur të peshës. Por mjeku juaj mund të rekomandojë shumë më pak, në varësi të rrethanave tuaja.
Stërvitja gjatë shtatzënisë
Stërvitja nuk do ju pengojë, por së pari merrni miratimin e mjekut. Disa gra zgjedhin të mbajnë rripa të lindjes për mbështetje shtesë. Mund t’ju duhet të bëni pushime të shpeshta nga aktiviteti.
Nëse nuk keni frymë ose lëvizja është shumë e vështirë, atëherë zgjedhni vrapin e lehtë, ecjen apo ngasjen e bicikletës.
Faktorët e rrezikut
Nëse jeni duke marrë parasysh fekondimin in vitro (IVF) ose një trajtim tjetër të fertilitetit, bisedoni me mjekun tuaj rreth rreziqeve për lindjen e trenjakëve para se të mbeteni shtatzënë.
Rreth 20 për qind e shtatëzanisë së trefishtë rezultojnë në lindjen e një fëmije me një paaftësi të madhe afatgjate. Bisedoni me mjekun tuaj për mënyrën se si mund të qëndroni të shëndetshme gjatë shtatzënisë dhe lindjes.
Por këshilla më e mirë që mund t’iu themi është që të mundoheni që ta mbani qetësinë, të pushoni dhe të shijoni momentin. /GazetaShneta/