Teknologjia ka paraqitur një mori mundësish, sfidash dhe madje rreziqe për fëmijët. Prindërit po përpiqen të gjejnë një ekuilibër të përsosur për fëmijët e tyre, dhe kur bëhet fjalë për përdorimin e telefonit ose tabletëve, prindërit patjetër se kanë rregulla të ndryshme.
Për disa, koha e shpenzuar në telefon monitorohet shumë dhe kufizohet në kohë dhe vende të caktuara. Për të tjerët, kjo kohë është më liberale për ata prindër që marrin “iPad-ët” së bashku me ta kudo që të shkojnë, në mënyrë që të mbajnë fëmijët e tyre të koncentruar në lojëra telefonike.
Ndërsa çdo prind ka të drejtën të marrë çdo vendim që ata mendojnë se është më i miri për fëmijën e tyre rreth “kohës së ekranit”, një gjë që po diskutohet shumë kohëve të fundit është që fëmijët të mos kenë në duar tableta ose telefona gjatë udhëtimeve me veturë, përcjellë GazetaShneta.
Në emisionin “The Doctors” është diskutuar po kjo temë ku Jennifer Beall Saxton, themeluese e “Tot Squad”, sedilje të posaçme të veturës për fëmijë, ka shkëmbyer disa këshilla se si t’i mbani fëmijët të sigurt gjatë vozitjes me makinë, dhe ajo zbuloi pse “iPads”, telefonat ose tabletat mund të jenë veçanërisht të rrezikshëm në një aksident trafiku.
“Një iPad mund të peshojë vetëm disa gram, por kur jeni në një aksident, ju shumëzoni peshën e asaj pajisje herë shpejtësinë. Pra, nëse keni një iPad gati 1 kg herë 50 milje në orë, do të thotë që mund të jeni duke u goditur me njëqind kile forcë…”, ka thënë Saxton.
Sa e frikshme është kjo? Dhe i njëjti koncept i përket çdo sendi të lirshëm në veturë, qofshin lodrat që mund t’i varni diku në veturë ose gjëra tjera që nuk janë të fiksuara në vend. Andaj është e domososhme që sedilja e fëmijës të jetë e sigurt sepse vetëm rrypi i sigurisë sipër gjyksit të fëmijës nuk do jetë aq efikas në mbrojtjen e tij nga ndonjë goditje e mundshme e tabletit./GazetaShneta/