Ka ardhur koha që të thyhet miti që nënat shtatzëna duhet të lëvizin sa më pak dhe të rrinë shtrirë deri sa të vijë koha që të lindin.
Është e vërtetq që llojet e ushtrimeve që mund të bëni ndryshojnë për cdo lloj të shtatzënisë, të qenit aktiv fizikisht mund të zvogëlojë disa dhimbje, të rritë energjinë dhe t’ju ndihmojë të përballoni më mirë tensionin e tërë procedurës së shtatzanisë.
– ECJA. Ecja është një aktivitet që rekomndohet për të gjitha nënat, qofshit sportiste e dalluar apo edhe nëse nuk e preferoni shumë sportin.
Ecja është diçka që çdo grua e shëndetshme mund të bëjë. Edhe nëse para shtatzanisë keni ushtruar rrallë, ecja për 30 minuta në ditë mund t’ju lehtësojë eksperiencën tuaj gjatë shtatzanisë, shkruan GazetaShneta.
– JOGA. Nuk është e thënë të shkoni në një palestër të veçantë për të bërë joga apo të keni një instruktore personale.
Mund të shikoni disa rutina të thjeshta në internet për të zgjatur muskujt ose edhe për të përmirësuar frymëmarrjen. Ndërkohë që nuk duhet të bëni ndonjë formë ushtrimi që kërkon që të shtriheni në shpinë pas tremujorit të parë, mund të punoni me qëndrime në këmbë. Ju gjithashtu mund të provoni ulur.
– NOTI. Vallëzimi ose aktivitetet që kërkojnë lëvizje të shumta mund të iu tendosin nyjet dhe muskujt gjatë shtatzënisë.
Noti ofron një stërvitje të plotë të trupit pa shtuar stresin që ushtrimet e tjera mund ta bëjnë. Noti është një mënyrë për të marrë një aktivitet aerobik duke futur në funksion të gjithë muskujt tuaj.
– ÇIKLIZMI. Çiklizmi sygjerohet si një stërvitje aerobike për nënat në pritje të lindjes.
Ashtu si edhe noti, edhe çiklizmi është një lloj ushtrimi me ndikim të ulët, pa peshë dhe pa shumë mund por me një efekt esencial në trupin tuaj. Çiklizmi përmirëson ritmin e zemrës tuaj dhe të fuqizon muskujt e këmbëve pa u vënë presion shtesë nyjeve tuaja./GazetaShneta/