Pyetjet e shumta në lidhje me kohëzgjatje e virusit në organizëm mund të jenë të ndërlikuara për t’u përgjigjur sepse virusi mund të ketë efekte shumë të ndryshme nga personi në person.
Covid-19 mund të shfaqet si një sëmundje e lehtë deri mesatare për disa javë, ose mund të godasë fort dhe të dërgojë në spital. Pacientët e moshuar dhe ata me gjendje shëndetësore që mbijetojnë ju nevojitet më shumë kohë për t’u rikuperuar shkruan The Seattle Times përcjell Gazeta Shneta.
Organizata Botërore e Shëndetësisë thotë se shërimi zakonisht zgjat dy deri në gjashtë javë.
Një studim amerikan zbuloi se rreth 20% e individëve jo të shtruar në spital të moshës 18 deri në 34 vjeç kishin ende simptoma të paktën dy javë pasi u sëmurën.
E njëjta gjë ishte e vërtetë për gati gjysmën e njerëzve të moshës 50 vjeç e lart.
Midis atyre të sëmurëve të shtruar në spital, një studim në Itali zbuloi se 87% ishin ende duke përjetuar simptoma edhe pas dy muajve. Simptomat e vonuara përfshinin lodhje dhe gulçim.
Njerëzit me raste të lehta fillojnë të ndihen më mirë brenda rreth një deri në dy javë nga fillimi i simptomave, theksoi Dr. Lisa Maragakis, drejtoreshë e vjetër në Johns Hopkins Medicine.
Simptomat mund të zhvillohen 5 deri në 13 ditë pasi një person është i ekspozuar ndaj virusit. /Gazeta Shneta/