Në bazë të hulumtimeve të fundit thuhet se simptoma të Covidit që përfshijnë dhimbje koke dhe lodhje, sipas aplikacionit COVID Symptom Study duhet të merren në fokus me theks të veçantë.
Këto ishin simptomat më të përjetuara në pacientët me koronavirus në të gjithë Mbretërinë e Bashkuar shkruan Express.co.uk përcjell Gazeta Shneta.
“Të dhënat tona tregojnë se simptomat e hershme më të zakonshme me të vërtetë janë dhimbja e kokës (82 përqind) dhe lodhja (72 përqind) – dhe ky është rasti për të gjitha grupmoshat”.
Dhimbjet e kokës dhe lodhja janë dy simptoma shumë të zakonshme, dhe nuk do të thotë domosdoshmërisht se keni koronavirus.
Lodhja e vazhdueshme mund të shkaktohet nga thjesht mosmarrja e gjumit të mjaftueshëm ose nga mungesa e aktiviteteve fizike.
Ndërkohë, dhimbjet e kokës mund të lidhen me ftohjen e zakonshme, stresin, gjendjen emocionale, madje edhe marrjen e shumë qetësuesve të dhimbjeve.
Sido që të jetë, dhimbja e kokës ose lodhja juaj ka më shumë të ngjarë të shkaktohet nga koronavirusi nëse shoqërohet me ndonjë nga simptomat më të zakonshme.
Një ethe e lartë, një kollë e re dhe një ndryshim në shqisën tuaj të nuhatjes ose shijes janë simptomat më të zakonshme të hershme të koronavirusit. /Gazeta Shneta/