Për shumicën prej nesh, të kaluarit sëmundjen Covid-19 ishin një pjesë shpresëdhënëse që do të qëndronim më të sigurt dhe të qetë karshi situatës pandemike për një kohë.
Mirëpo, supozimi popullor mbi antitrupa mbrojtës kundër sëmundjes dhe kohëzgjajta e tyre ka filluar të zbehet ca me fillimin e rasteve të ri-infektimit shkruan Best Life përcjell Gazeta Shneta.
Sipas një studimi të ri që shqyrtoi nivelet e ri-infektimit të Covid është zbuluar se njerëzit mbi moshën 65 vjeç janë në rrezik më të lartë të ri-infektimit.
Nga ky studim u tha se personat mbi moshën 65 vjeç janë me më pak se 50 përqind të mbrojtur nga ri-infektimi.
Për studimin e ri, i cili u botua në revistën mjekësore ‘The Lancet’, një ekip shkencëtarësh nga Departamenti i Epidemiologjisë dhe Parandalimit të Sëmundjeve Infektive të Danimarkës, shikuan shkallën e ri-infektimit midis 4 milion danezëve gjatë valës së ri-infektimit me Covid-19 nga shtatori 2020 deri në fund të dhjetorit 2020.
Ndërsa kishte pak raste të ri-infektimit, numrat anonin shumë varësisht nga mosha: Të rinjtë dukej se kishin rreth 80 përqind mbrojtje kundër ri-infektimit, por ky numër ra ndjeshëm në 47 përqind midis atyre mbi moshën 65 vjeç.
Të moshuarit janë më të ndjeshëm ndaj ri-infektimit për shkak të rënies së funksionit imunitar kur plakemi.
“Ka një arsye pse njerëzit mbi 60 vjeç duhet të marrin vaksina shtesë për të rritur imunitetin e tyre ndaj infeksioneve të ndryshme, sepse ne e dimë që sistemi imunitar fillon të zbehet në jetën e mëvonshme”, tha autori i studimit Steen Ethelberg. /Gazeta Shneta/