Edhe përtej provave klinike, kërkimet në rritje kanë treguar se vaksinat Moderna, Pfizer dhe Johnson & Johnson të administruara në SHBA janë shumë efektive kundër virusit.
Studime të mëtejshme madje kanë treguar se të vaksinat mbeten efektive kundër varianteve të reja që kanë filluar të përhapen në pjesë të ndryshme të globit. Kështu që nëse jeni plotësisht të vaksinuar, mund të jeni të sigurt se vaksinimi juaj po bën punën e duhur.
Por nëse jeni në një pozitë që duhet të dini nëse vaksina juaj funksionoi vërtet, mjekët thonë se mënyra e vetme për të zbuluar është përmes një lloji specifik të testit që bëhet në kohën e duhur.
Sipas profesionistëve shëndetësor kryerja e një testi specifik laboratorik të njohur si testi Elisa të paktën dy javë pas marrjes së vaksinës Moderna ose Pfizer ose katër javë pas marrjes së vaksinës Johnson & Johnson mund të ofrojë një vështrim më të mirë të antitrupave të proteinave gjembore të gjeneruar nga dozat, raporton The New York Times përcjell Gazeta Shneta.
Kjo sepse testet tradicionale të antitrupave nuk janë krijuar për të kontrolluar llojet e shënjuesve që vaksina ka marrë në sistemin tuaj imunitar.
Kur shumica e njerëzve regjistrohen për testin e një antitrupi, laboratoret dhe ofruesit e shërbimeve zakonisht kryejnë teste për antitrupa anti-nukleokapsid, shpjegoi Dr. Luis Ostrosky.
“Problemi me këtë është se ata nuk janë antitrupa që do të krijoheshin nga vaksina, por vetëm përmes infeksionit natyror”. /Gazeta Shneta/