Zyrtarja policore Valdete Bllaca e cila po dyshohet se ka vrarë katër anëtarët e familjes së saj dhe më pas veten, ka qenë pjesë e Policisë së Kosovës që 18 vjet.
Mediat kanë raportuar se Bllaca kishte punuar fillimisht në Qendrën e Thirrjeve në rajonin e Prishtinës, ndërsa më pas ishte transferuar në Gjilan.
Ky rast i rëndë ka tronditur opinionin në Gjilan dhe më gjerë. Ende nuk dihet motivi dhe rrethanat se si ka ardhur deri te vrasja.
Bllaca dyshohet se ka vrarë babain e saj Zeqirin, nënën Hanifën dhe dy vëllezërit Blerimin dhe Fisnikun. Fqinjët kanë dhënë një version se kishte qenë Blerimi i cili kishte shtënë në drejtim të anëtarëve të familjes së saj, e më pas kishte ardhur Valdetja dhe e kishte vrarë Blerimin dhe më pas veten.
Por këtë e ka mohuar Policia e Kosovës të cilët kanë deklaruar se në vendin e ngjarjes është gjetur vetëm revolja zyrtare e Valdetes. /Gazeta Shneta/