Simptomat e koronavirusit, janë një grup i madh shenjash paralajmëruese që prekin pothuajse çdo pjesë të trupit.
Sytë janë një pjesë e tillë që mund të infektohen, mandje një shkencëtar kinez dha një hipotezë, sipas burimit Express.co.uk në lidhje me supozimet se kjo është mënyra e përhapjes së virusit. Por, realisht a mund të përhapet koronavirusit përmes syve tuaj?
Koronavirusi i ri filloi si një burim shpërthimi në Wuhan dhe u përhap nga atje në pjesën tjetër të botës.
Mushkëritë janë vendi i prekur kryesisht nga Covid ‐ 19 dhe forma e rëndë e sëmundjes karakterizohet nga pneumonia dhe sindroma e distresit akut respirator përcjell Gazeta Shneta.
Shumë pacientë me Covid, kanë përshkruar probleme me sytë e tyre duke çuar në spekulime nëse kjo sëmundje është përhapur përmes syve.
Në një studim të botuar në ‘Wiley Online Library’, konjuktiviti dhe Covid-19 u hulumtuan më tej.
Studimi vuri në dukje se: “Trakti i frymëmarrjes nuk është ndoshta rruga e vetme e transmetimit për këtë infeksion viral; disa autorë supozuan se pikat Covid‐ 19, ose duart e infektuara, mund të kontaminojnë konjuktivën, që mund të përfaqësojë vendin fillestar të një infeksioni të përhapur”.
Konjuktiviti, e quajtur ndryshe edhe syri rozë, është një sëmundje e shpeshtë dhe etiologjia e tij mund të jetë bakteriale ose virale.
Studimet e fundit treguan se konjuktiviti mund të ishte një manifestim i Covid ‐ 19.
“Kjo është për shkak se koronavirusi bllokon receptorët ACE-2 në qelizat e konjuktivës, receptorë të ngjashëm gjenden në traktin respirator dhe mushkëritë”.
Për shkak se syri mund të konsiderohet si një portë e drejtpërdrejtë e mundshme e hyrjes për virusin, është me interes të analizohet lidhja midis konjuktivitit dhe ashpërsisë së Covid ‐ 19.
Në përfundim, rezultatet e kësaj meta-analize tregojnë se konjuktiviti mund të përfaqësojë një shenjë të infeksionit Covid që lidhet me një formë më të rëndë të sëmundjes dhe sugjeron përdorimin e pajisjeve mbrojtëse për të gjithë njerëzit – potencialisht të ekspozuar ndaj subjekteve të infektuar.
Simptomat tipike të konjuktivitit përfshijnë: sytë e përgjakur, ndjesi e djegur ose e mprehtë, qelb që ngjitet në qerpikë, kruarje dhe skuqje ose dhe lotim i tepërt. /Gazeta Shneta/