Një punëtori e rëndësishme është mbajtur sot në Klinikën e Kirurgjisë Pediatrike në QKUK.
Dr. Naser Kastrati, gastroenterologu shqiptar i cili aktualisht është i angazhuar në Gjermani, ka mbledhur sot stafin e Klinikës Kirurgjike të Pediatrisë, për të realizuar me sukses gjashtë endoskopi diagnostike dhe intervente, përcjell Gazeta Shneta.
“Te pacientët u vendos një PEG (gastrostomi perkutane) dhe u realizua një Dilatim i Ezofagut (zgjerimi i ezofagut), pas intervenimit kirurgjik të Atrezionit të Ezofagut (anomali e lindur, mjaft e rëndë)”, ka njoftuar Shërbimi Spitalor Klinik dhe Universitar i Kosovës (ShSKUK).
Dr. Kastrati me veprimtari në Heilbronn – Klinikum am Gesundbrunnen të Gjermanisë, ka mbajtur më pas një ligjëratë në ambientet e Telemjekësisë, në lidhje me përdorimin e gastroskopisë dhe kolonoskopisë, si dhe diagnostikimin e trajtimin e sëmundjeve gastrointestinale. /Gazeta Shneta/