Klinika e Onkologjisë ka njoftuar se gjatë çdo dite pune trajton mbi 450 pacientë në total, përmes shërbimeve të kimioterapisë dhe radioterapisë.
Sipas të dhënave të bëra publike, mbi 300 pacientë marrin trajtim me kimioterapi në formë ambulatore, ndërsa mbi 150 pacientë trajtohen me radioterapi, përcjell Gazeta Shneta.
Nga klinika bëhet e ditur se puna zhvillohet normalisht, me fluks më të madh në orët e mëngjesit dhe ritëm të qëndrueshëm gjatë pjesës tjetër të ditës. Po ashtu, numri i madh i vizitave lidhet edhe me praninë e familjarëve shoqërues të pacientëve.
Në njoftim theksohet gjithashtu se listat e pritjes për kimioterapi dhe radioterapi janë zero.
Institucioni ka bërë të ditur se synon zgjerimin e shërbimeve edhe në njësitë përbërëse, në varësi të kapaciteteve njerëzore, veçanërisht të specialistëve të onkologjisë./Gazeta Shneta/