Klinika Infektive tregon për gjendjen e foshnjës pesë muajshe dhe nënës së saj

2020-04-02 në ora 17:17

Foshnja pesë mujashe, nga Topanicë e Kamenicës është dërguar me autoambulancë për në Klinikën Infektive të QKUK-së.

Me simptoma të temperaturës dhe barkqitje me autoambulancë sot në mesditë është drejtuar për në Klinikën Infektive të QKUK’së, foshnja pesë muajsh nga fshati Topanicë e Kamenicës e cila para dy ditëve u infektua me koronavirus.

Ajo për në Infektivë është udhëzuar nga ana e mjekëve të QKMF’së në Kamenicë.  Për momentin foshnja është sistemuar në Infektiven e QKUK’së, bashkë me nënën e saj.

Këtë e ka konfirmuar për Express, Drejtoresha për Shëndetësi në Kamenicë, Suna Zajmi.

“Foshnja ka pasur temperaturë, dhe ne për shkaqe sigurie e kemi dërguar për në Infektiven e QKUK;së. Por gjendjen e ka stabile”, ka thënë Zajmi përcjell Gazeta Shneta.

Ajo ka treguar se nga Topanica e Kamenicës sot janë testuar edhe dy raste si të dyshuara që janë prekur nga koronavirusi Covid 19.

Ndërkohë, të prekurit e tjerë, sipas saj janë në gjendje stabile.

Ndërkohë, foshnja tashmë gjendjet në QKUK. Detaje për gjendjen i dha Expressit mjekja e Klinikës Infektive, doktoresha Ajete.

“Foshnja dhe nëna, janë në gjendje shumë të mirë shëndetësore. Janë shtrirë për trajtim këtu tek ne. Jemi duke i monitoruar. Për momentin janë në gjendje të mirë”, tha për Express, doktoresha e Infektivës së QKUK’së.

Kujtojmë se 11 anëtarë të një familjeje janë prekur nga Covid 19 nga fshati Topanicë i Kamenicës./Express/