Shoqata Sindikale e Punëtorëve Shëndetësor të QKUK-së, ka kundërshtuar ashpër disa urdhëresa të ud. drejtoreshës së SHSKUK-së, Pranvera Zejnullahu-Raçit.
Në krah të rrugës së drejtë, KMDLNJ, ka mbështetur kërkesën e Sindikatës së Punëtorëve Shëndetësor të QKUK-së lidhur me anulimin e urdhëresave të SHSKUK-së, shkruan Gazeta Shneta.
Sipas Shoqatës Sindikaliste, këto urdhëresa janë të tipit diskriminues dhe e tjetërsojnë rolin dhe veprimtarinë e infermierit në QKUK.
“KMDLNj, vlereson se ato urdheresa jane diskrimuese per faktin se infermieret nuk kane pergjegjesi te bejne punet e te tjereve e qe nuk jane pershkruar ne detyrimet qe dalin nga kontrata midis paleve. infermeret nuk mund ta merrin pergjegjesine e furnizimit me barna gjate vikendit sepse as nuk i pershkruajne ato barna por e bene mjeku i fushes perkatese ne baze te cilave edhe sigurohen barnat kurse infermieri i shperndane ato. Per KMDLNj eshte me rendesi permbajtja e kontrates dhe cdo gje qe nuk eshte ne kontrate nuk mund te iponohet qofte edhe si urdherese. Urdheresa mund te parashihet vetem per situata te jashtezakonshme fhe te perkufizohet per aq kohe sa zgjate kjo dhe nuk mund te jete ne kundershtim me te drejtat e njeriut. Respekt dhe keni perkrahjen e KMDLNj -se. Behxhet Sh. SHALA, Drejtor Ekzekutiv”, thuhet në njoftimin e fundit të Shoqatës.
Sindikata e Punëtorëve Shëndetësor të QKUK-së, ka paralajmëruar mes tjerash, që gjatë ditës do i drejtohet edhe Institucionit të Avokatit të Popullit.
Kujtojmë se me datën 06 tetor është anuluar protesta e thirrur e infermierëve, si rezultat i zotimit të marrë nga ish-ministri Rifat Latifaj, që do i anulonte urdhëresat e SHSKUK-së.
“Pas takimi të Kryetares së FSSHK, znj. Tevide Imeri me Ministrin e Shëndetësisë së Republikës së Kosovës, z. Rifat Latifaj, i njejti është zotuar për rishqyrtimin e urdhëresave të përmes të cilave diskriminohen infermierët, mamitë dhe profesionistët tjerë shëndetësor në QKUK”, është lajm i njoftuar më parë. /Gazeta Shneta/