Kardiologu Gani Bajraktari në vitin 2019 kishte dal me disa pretendime dhe akuza se është rritur vdekshmëria për 15 për qind në Klinikën e Kardiokirurgjisë, e cila në atë kohë e kishte në përbërje edhe shërbimin e kardiologjisë invazive.
Sipas Bajraktarit, këto pretendime i kishte ngritur pas një studimi në këtë klinikë për vdekjet e pacientëve.
Ai pretendonte se numri i pacientëve të vdekur ishte rritur ndjeshëm, duke kritikuar menaxhmentin e asaj kohe të SHSKUK-së dhe ish-ministrin e shëndetësisë.
Ish-drejtori i Kardiokirurgjisë në atë kohë Tefik Bekteshi i kishte mohuar akuzat duke thënë se vdekshmëria në klinikë kishte qenë 3.58 për qind.
Kujtojmë se Bajraktari është njëri nga kardiologët e akuzuar në rastin Stenta për referim të pacientëve në institucionet private. /Gazeta Shneta/