Kolesteroli i lartë është një gjendje e dëmshme që i hap rrugën sëmundjeve të zemrës kur nuk trajtohet.
Për fat të mirë, disa strategji për të ulur kolesterolin mbështeten nga shkenca. Një grup studimesh, sugjeron se përbërësit e gjetur në një frut popullor mund të ulin nivelet e kolesterolit të dëmshëm me 40 për qind të shanseve, shkruan Express.co.uk përcjell Gazeta Shneta.
Kolesteroli i lartë mund të jetë i vështirë për t’u kapur për shkak të mungesës së simptomave, por ndërsa gjendja përparon, ka të ngjarë të ndodhin komplikime. Molekulat yndyrore që karakterizojnë gjendjen janë të rrezikshme sepse ato çojnë në grumbullimin e pllakave të dëmshme në arterie, gjë që rrit rrezikun për të pasur një atak në zemër dhe goditje në tru.
Një grup studimesh sugjeron se komponimet që gjenden në lëvozhgën e agrumeve, megjithatë, mund të ulin ndjeshëm nivelet e kolesterolit të dëmshëm deri në 40 për qind.
Sipas Shërbimit Kombëtar Shëndetësor në Angli (NHS): “Më shumë se dy në pesë njerëz kanë kolesterol të lartë, gjë që i vë ata në rrezik të konsiderueshëm të zhvillimit të sëmundjeve të zemrës, dhe rreth 6.5 milionë të rritur në Angli aktualisht po marrin ilaçe për uljen e lipideve, si statinat.”
Por një grup studimesh të detajuara në Science Daily pohon se komponimet antioksidante që gjenden në lëvozhgën e agrumeve mund të “ulin kolesterolin e lartë në mënyrë më efektive se disa ilaçe me recetë dhe pa efekte anësore”.
Kolesteroli i lartë karakterizohet nga nivele të larta të lipoproteinës me densitet të ulët, ose kolesterolit “të keq” që qarkullon në gjak. Ndërsa molekulat yndyrore mbyllen në muret e arterieve, ato i bëjnë të ngushtohen, duke kufizuar hapësirën që gjaku të rrjedhë nëpër to.
Doktoresha Elzbieta Kurowska, hulumtuesja kryesore e studimit në Ontario Kanada, tha se: “Studimi ynë ka treguar se flavonet e polimetoksiluara (PMF) kanë efektin më të fuqishëm të uljes së kolesterolit nga çdo flavonoid tjetër i agrumeve.
Flavonet e polimetoksiluara (PMF), ndodhen në një shumëllojshmëri frutash agrumesh, me formën më të zakonshme të antioksidantëve që gjenden në lëvozhgat e mandarinave dhe portokallit.
Studimi zbuloi se përbërësit premtuan si një alternativë efektive dhe natyrale për uljen e kolesterolit LDL.
Të publikuara në Journal of Agricultural and Food Chemistry, gjetjet vërtetuan gjithashtu se PMF-të ndanin ngjashmëri të dukshme me një mori përbërësish të tjerë bimorë që gjenden në frutat e agrumeve, të cilat janë të lidhura me shumë përfitime shëndetësore. /Gazeta Shneta/