Kollitjet, dhimbjet e fytit dhe lodhja janë më të zakonshme tek njerëzit që rezultojnë pozitivë për variantin e Britanisë së Madhe, ndërsa një humbje e shijes ose nuhatjes është më pak e mundshme, ka zbuluar një studim.
Varianti shumë i transmetueshëm i koronavirusit që u shfaq në Mbretërinë e Bashkuar vitin e kaluar dhe u përhap në të gjithë botën duket se i bën simptomat e njohura të COVID-it më të zakonshme, shkruan The Guardian përcjell Gazeta Shneta.
Një sondazh nga Zyra për Statistikat Kombëtare të Britanisë së Madhe, zbuluan se njerëzit raportuan më shumë kollitje, dhimbje të fytit, lodhje dhe dhimbje muskulore kur infektoheshin me variantin e ri për dallim nga simptomat klasike të COVID-19.
Ndryshimi i simptomave mund të nxitet nga varianti që është më infektues dhe përhapet më shpejt në trup sesa variantet e vjetra, megjithëse ndikimi i plotë i shumë mutacioneve është ende i panjohur.
Varianti më i transmetueshëm i Britanisë së Madhe i ashtuquajturi B117, u zbulua për herë të parë në Kent në shtator dhe që atëherë është përhapur me shpejtësi në të gjithë vendin dhe në të gjithë botën. /Gazeta Shneta/