Shkencëtarët janë të shqetësuar se virusi ose barnat e përdorura për trajtimin e Covid-19 po shkaktojnë dëmtimin e veshit.
Sipas studimeve të fundit është rritur numri i njerëzve që kanë filluar të ankohen për zhvillimin e zhurmës në vesh – të herës së parë ose që kanë gjetur simptomat e tyre të përkeqësuara që nga fillimi i pandemisë, shkruan The Guardian përcjell Gazeta Shneta.
Shoqata Britanike e Tinitusit, ka raportuar një rritje të numrit të personave që hyjnë në shërbimet e tyre me një statistikë prej 256% të numrit të bisedave nga muaji maj deri në dhjetor 2020 krahasuar me të njëjtën periudhë në 2019.
Tinitusi – termi i përdorur për të përshkruar tinguj të tillë si kumbimi, zhurma ose gumëzhitja që vijnë nga një burim i brendshëm dhe jo nga jashtë – prek rreth 7 milion njerëz në Mbretërinë e Bashkuar.
Sipas Institutit Shëndetësor të Mbretërisë së Bashkuar, tringëllima në vesh njihet si një simptomë e zakonshme e koronavirusit dhe formës së ‘COVID-it të gjatë’.
Kërkimet e lidhura me tinitus në Google janë rritur pas shpërthimit të Covid-19, me interesim rreth gjendjes si “shkaqet e tringëllimës në veshët” duke tejkaluar 83% të hulumtimeve në muajin shkurt 2021.
Sipas shefit ekzekutiv të Shoqatës së Tinitusit të Britanisë së Madhe, David Stockdale tha se: “Thirrjet në linjën tonë për ndihmë dhe vizitat në faqen e internetit janë rritur me të vërtetë ndërsa njerëzit po kërkojnë mbështetje dhe po përpiqen të kalojnë përmes sistemit të kujdesit shëndetësor. Për shumë njerëz, pasoja emocionale dhe shoqërore e Covid-19 e ka bërë tinitusin më të rëndë.
Një teori tjetër e mundshme është se barnat e marra në spital ndërsa pacientët kishin Covid mund të kishin dëmtuar veshin e brendshëm. /Gazeta Shneta/