Gjiganti farmaceutik do të heqë mbi 11% të fuqisë punëtore globale, pasi rivali amerikan, Eli Lilly po fiton terren në tregun e barnave kundër obezitetit.
Kompania daneze Novo Nordisk, njoftoi të mërkurën se do të shkurtojë 9,000 vende pune, duke ulur për të tretën herë këtë vit parashikimin e fitimit, raporton Euronews Health transmeton Gazeta Shneta.
Mes tjerash, fajësoi konkurrencën e ashpër në tregun e barnave për obezitet, e cila po ndikon negativisht te produktet e saj për humbje peshe, Ozempic dhe Wegovy.
Rreth 5,000 prej shkurtimeve të vendeve të punës do të jenë në Danimarkë, nga një fuqi punëtore globale prej 78,400 punonjësish, ndërsa kompania pret të kursejë rreth 8 miliardë korona daneze (rreth 1.1 miliardë euro) në vit deri në vitin 2026.
Kompania uli pritshmëritë për rritjen e fitimit operativ këtë vit në 4–10%, nga parashikimi i mëparshëm prej 10–16%.
“Transformimi pasqyron angazhimin e kompanisë për të përmbushur kërkesën në rritje globale, duke konkurruar njëkohësisht në një treg obeziteti më dinamik dhe më të orientuar nga konsumatori, siç tregohet edhe nga ngadalësimi i fundit i rritjes,” thanë përfaqësuesit e komapanisë Novo Nordisk në një deklaratë. /Gazeta Shneta/