Në raportin ditor të publikuar nga Instituti Kombëtar i Shëndetit Publik janë konfirmuar 49 raste pozitive nga 509 mostra të marra nga ShSKUK-ja.
Në 24 orët e fundit kanë ndërruar jetë tre pacientë (një nga Klinika Infektive- QKUK, një rast nga spitali rajonal i Gjilanit dhe një rast nga spitali rajonal i Prizrenit), kurse 92 pacientë e kanë mposhtur betejën kundër covid-19 shkruan GazetaShneta.
“ Numri total i rasteve pozitive është 15.938 raste nga 71.865 persona të dyshimtë në virusin SARS-CoV-2 dhe 638 raste të vdekjes.
Gjatë 24 orëve të fundit, janë shëruar 92 pacientë derisa numri i përgjithshëm i të shëruarve deri më sot është gjithsej 14.143 raste”, thuhet në njoftimin e IKSHPK-së.
Këtë herë, komunat që regjistruan raste pozitive janë: komuna Prishtinë 22 raste, komuna Gjakovë 5 raste, komuna Ferizaj 3 raste, komuna Klinë 3 raste, komuna Fushë Kosovë 2 raste, komuna Lipjan 2 raste, komuna Rahovec 2 raste dhe me nga një rast komunat Deçan, Dragash, Gjilan, Kaçanik, Malishevë, Pejë, Podujevë, Shtime, Skenderaj dhe Vushtrri.
Aktualisht, vendi ynë po përballet me 1,157 raste aktive./GazetaShneta/