U.D Drejtori aktual në Klinikë e Hematologjisë, Shemsedin Sadiku, është kandidati i vetëm i cili i ka plotësuar kriteret në konkursin për drejtor në këtë klinikë, sipas dokumentit të siguruar nga Gazeta Shneta.
Në dokument thuhet se për shkak të numrit të vogël të aplikuesve Shërbimi Spitalor Klinik Universitar i Kosovës e ka vazhduar konkursin për këtë klinikë edhe për tetë ditë tjera, konformë bazës ligjore shkruan Gazeta Shneta.
Ndërsa, në konkursin për drejtor të Shërbimit Klinik të Mjekësisë Nukleare, kriteret për drejtor i kanë plotësuar tre kandidatë. Listës i prinë U.D drejtori aktual i klinikës, Fakir Spahiu, si dhe dy kundërkandidatët tjerë, Afërdita Bajqinca Paçarada si dhe Ismet Bajrami.
Faza fillestare e pranimit të kandidatëve në këtë konkurs është publikuar dje, 23.05.2022.
Të drejtë aplikimi kanë pasur të gjithë kandidatët, nga data pesë maj deri më 19 maj 2022./Gazeta Shneta/