Infermierët dhe stafi tjetër mbeshtetës të angazhuar gjatë pandemisë nga Ministria e Shëndetësisë kanë protestuar para objektit të Ministrisë së Shëndetësisë.
“Heronjtë e pandemisë të harruar nga qeveria e Kosovës”, “Në vend të vlerësimit është injorimi”, “Kur ju na kërkuat ne ju përgjigjem, Ku jeni ju kur ne po ju thërrasim?”, ishin vetëm disa nga shkrimet në pankartat e mantebardhëve të cilët kërkonin të drejtat e tyre për pagë dhe vazhdim të kontratave të rregullta.
Infermierët dhe stafi mbështetës tash e gati tre muaj nuk kanë janë paguar nga shteti.
“Qëllimi i protestës është për mosekzekutimin e pagave dhe asnjëherë nuk kemi marrë një përgjigje zyrtare. Momentalisht nuk largoheni prej këtu pa marr përgjigje zyrtare. Kemi bërë kërkesa shkresa e-maila po asnjëherë nuk kemi marr përgjigje përveç dje e kemi zhvilluar një takim me shefin e kabinetit, Kujtim Salihu krejt çka na ka thanë është që ka optimizëm. Ne punën e vazhdojmë njëjtë ka disa kolegë që e kanë bojkotuar arsye është pamundësia financiare për zhvillimin e mëtutjeshëm të punës”, është shprehur përfaqësuesja e infermierëve të QKUK-së, Nurie Ukaj gjatë protestës.
Gjatë pandemisë Ministria e Shëndetësisë pati aangazuar mbi 1200 mantelbardhë. /Gazeta Shneta/
