“Derisa presim të pjeken kushtet, na u kalbën dëshirat, specializantët që një vit në rrugë, një vit për një çështjë e cila mund të zgjidhet për një ditë, mos na largoni nga Kosova”, ishin vetëm disa nga pankartat që u vendosën para Ministrisë së Shëndetësisë nga specializantët e mjekësisë.
Protesta e sotme nga specializtatët u shoqërua me kërkesa për kushte më të mira nga ministria, paga të rregullta për specializantët si dhe mosdiskriminim ndaj atyre që vijnë nga Shqipëria, Mali i Zi dhe Maqedonia, e të cilët punojnë pa rroga që nga fillimi i specializimit, shkruan Gazeta Shneta.
Gjatë protestës përfaqësuesi i specializantëve, Arianit Zaimi u shpreh se ata janë të detyruar që edhe në kushte të ftohta të protestojnë që të kërkojnë nga ministria një trajtim më dinjitoz nga ana e tyre.
“Kushtet elementare të jetesës nuk po plotësohen tash e një vit, këto kushte për të cilat ne po luftojmë që të plotësohen që një vit, mund të realizohen edhe brends një dite, por po them që po mungon vullneti politik që të realizohen kërkesat tona”, u shpreh ai.
Tutje përfaqësuesi u shpreh se po tentohet që buxheti i shtetit, apo paraja publike po kursehet në krah të specializantëve dhe mjekëve të rinjë.
Po ashtu ai ka theksuar se në mesin e specializantëve nentë prej tyre janë nga Mali i Zi, Shqipëria dhe Maqedonia e Veriut.
“Ka kaluar më shumë se një vit e gjysmë që kur këta specializantë kanë nënshkruar kontratat dhe ata nuk marrin asnjë cent”, tregoi Zaimi.
E, në lidhje me takim me ministrin, ai tha se një gjë e tillë është kërkuar por ende nuk është realizuar.
“Kemi takuar takim nga ministri i cili ka thënë që në fillim të janarit që do të plotësoj kërkesat tona, dhe nuk janë realizuar dhe mund të them që strategjia kryesore që po përdoret për t’i realizuar janë strategjia e premtimeve”, shtoi ai.
Edhe specializantja e gjinekologjisë, Anila Zyberi, nga Shqipëria tha se është ndjerë totalisht e diskriminuar pasi që kanë kaluar shtatë muaj që nga nënshkrimi i kontratës dhe nuk ka marrë ende pagë.
Specializantët e Shërbimit Spitalor Klinik Universitar të Kosovës (ShSKUK) kanë protestuar edhe më herët para Ministrisë së Shëndetësisë, pasi kërkesa e tyre që t’u paguhen orët e kujdestarive është refuzuar nga Komisioni për Buxhet dhe Financa.