Studiuesit mjekësorë kanë thënë se shumë shpejt do dalë në përdorim mitra artificiale e mbushur me lëngë, e cila i ngjanë një qeseje të plastikës. Sipas tyre, kjo do jetë në gjendje të mbajë foshnjat e lindura parakohe dhe të shëndetshme të cilat kanë pasur ende nevojë të qëndrojnë në barkun e nënës.
Kjo “mitër” deri tani është testuar në qengja, dhe qëllim i krijimit të saj është për t’ia ofruar fëmijës të gjitha materiet ushqyese të cilat i nevojiten një fëmije të lindur para kohe, transmeton Indeksonline.
Hulumtuesit në Spitalin e Fëmijëve në Filadelfia në Shtetet e Bashkuara, kanë krijuar këtë pajisje prej qeses së plastikës e cila është e mbushur me lënë dhe ka një kërthizë, përmes së cilës sjellët oksigjeni dhe krijon një ambient të lëngshëm në të cilën mund të zhvillohet fetusi pothuajse si në barkun e nënës.
Ekspertët besojnë se kjo pajisje do të zbatohet deri në vitin 2020.
Kjo është bërë për shkak se kjo ofron kushtet plotësisht identike me ato të barkut të nënës. Qëllimi është që të sigurohet një mjedis në të cilën foshnjat e vogla të parakohshme mund të zhvillojnë mushkëritë e tyre dhe organet e tjera në periudhën kritike mes javës së 23-të dhe asaj të 28-të.