Prindërit duhet të kenë kujdes shumë të madh kur i lënë fëmijët të flenë në ulëset e posaçme të tyre në makinë, pasi që sipas një studimi shumë fëmijë janë mbytur pasi që i ka zënë gjumi në atë pozitë, shkruan Daily Mail.
Një studim që ka analizuar vdekjet e fëmijëve nën 2 vjeç, ka konstatuar se 31 prej tyre ishin mbytur e ngulfatur në ato lloj ulëse.
Ky studim është publikuar në “The Journal of Pediatrics”, ka rishikuar vdekjet e fëmijëve që kanë ndodhur nga prilli i vitit 2004 deri në dhjetor të vitit 2008.
Shkaktarë kryesorë janë rripat që përdoren për t’i mbajtur fëmijët të sigurt në këto ulëse. Për shkak se fëmijët janë shumë të njomë, atyre u mungon fuqia që ta ngrehin ose lëvizin kokën e tyre, kështu që frymëmarrja e tyre mund të bllokohet si rezultat i pozitës në të cilën janë ulur, dhe kjo shkakton mbytjen e tyre.
Në fillim të këtij muaji, një çift nga Oklahoma e Amerikës ka pësuar një humbje të madhe, pasi që djali i tyre 11 muajsh ka vdekur në ulësen për bebe që vendoset në makinë.