Lëkura e thatë dhe e kruar është e zakonshme më vonë gjatë shtatzënisë, veçanërisht në një bark të zgjeruar, por shumë gra e raportojnë këtë simptomë në muajin e tyre të dytë.
Disa përjetojnë thatësi të përgjithshme, të tjera përmendin zona specifike, si p.sh. pëllëmbët e duarve dhe shputat e këmbëve që ndjejnë kruarje, shkruan burimi Ask Dr. Sears përcjell Gazeta Shneta.
Nëse përjetoni kruajtje të shtuar gjatë shtatzënisë, shmangni sapunët dhe pastruesit e fortë që i heqin lëkurës tuaj vajrat natyralë.
Ju gjithashtu mund të provoni të bëni banjë në vend të dushit, pasi rënia e vazhdueshme e ujit të nxehtë në lëkurë mund të jetë irrituese dhe tharëse.
Gjithashtu, në anën tjetër, disa nëna preferojnë të bëjnë dush sepse kalimi shumë i gjatë në ujin e banjës mund t’i heqë lëkurës vajrat natyralë.
Për të mësuar më shumë rreth komplikimeve të shtatzënisë KLIKO KËTU.
Kruajtja në shtatzëni mund të lehtësohet disi duke e mbajtur të ftohtë, shkruan burimi My expert midwife.
Vishni fibra natyrale të lirshme, qëndroni larg rrezeve të diellit direkte dhe përdorni kompresa të ftohta për të ftohur lëkurën tuaj.
Bërja e kësaj do të ndihmojë në minimizimin e ënjtjes, kruajtjes dhe fërkimit, transmeton Gazeta Shneta.
Hidratoni trupin tuaj: Mbani këmbët dhe tërë trupin tuaj të hidratuar për të parandaluar tharjen e lëkurës dhe shkaktimin e dëshirës për gërvishtje.
Hidratuesi që përmban parfume të forta mund të shkaktojë irritim të mëtejshëm në lëkurën e kruar.
Nëse keni vështirësi për të fjetur, përdorni një sprej ftohës. Spërkateni në të gjithë trupin tuaj për të ftohur dhe qetësuar lëkurën. Mes tjerash, sprej mund të përmbajnë aloe vera qetësuese, plus vajra esencialë mente dhe eukalipt që ftohin natyrshëm lëkurën tuaj. /Gazeta Shneta/