Kryeministri në detyrë, Albin Kurti, në një konferencë për media tha se pas dështimit të Kuvendit për të votuar qeverinë e re, vendi po shkon drejt zgjedhjeve të reja, raporton Ekonomia Online.
Ai tha se asnjë parti parlamentare nuk ka pranuar marrëveshje për bashkëqeverisje, ndonëse Vetëvendosje i kishte bërë ftesë dy herë LDK-së dhe kishte pasur kontakte të vazhdueshme me Nismën.
Kurti tha se përveç kësaj, “është përpjekur shumë që ta shkëpusë LDK-në nga PDK-ja”.
“Dje, Kuvendi siç e pamë nuk arriti të bëjë qeverinë perkundër tentimeve dhe përpjekejet për ndertimin e krijimin të një shumice. Asnjëra nga partitë parlamentare nuk ka pranuar për nje marrëveshje për bashkëqeverisje”.
“I bëmë ftesë dy herë LDK-së dhe kemi qenë në kontakt me Nismën. LDK refuzon një qeveri që udhëhiqet nga unë, kurse Nisma nuk deshi një qeveri të udhëhequr nga unë. Jam përpjekur shumë që ta shkëpus LDK-në nga PDK-ja. Katër vitet e këtij mandati na kanë treguar se qeveria ka qenë stabile. Unë dhe VV jemi të vendosur që ta mbrojmë shtetin e jo pushtetin. Në zgjedhem zgjedhjet, siç e pamë edhe dje, se vendi s’ka rrugë tjetër. S’ka qenë preferenca jonë”, tha ai.