Ilir Kurteshi është rikthyer sërish në Klinikën e Onkologjisë si udhëheqës i saj.
Klinika e Onkologjisë në Prishtinë është e vetmja qendër në Kosovë ku të prekurit me kancer marrin kimioterapinë apo trajtime të tjera, shkruan Gazeta Shneta.
Gjatë ditës së djeshme është raportuar për ankesat e pacientëve për kushtet e rënda në repartin e Onkologjisë e lidhur më këtë dr.Kurtishi tregoi se janë marrë masa dhe se pritet deri në shtator të zgjerohen dhe rregullohen sallat e këtij spitali.
Deri në muajin shtator pritet të rregullohen sallat dhe hapësirat e spitalit– tha ai për Gazetën Shneta.
Në këtë klinikë brenda 24 orësh, shërbime marrin rreth 400 pacientë, që vijnë nga qytete të ndryshme të Kosovës.Klinika e Onkologjisë i ka rreth 60 shtretër dhe vazhdimisht ballafaqohet me mungesë të barnave./Gazeta Shneta/