Nëse Ali Sonko nuk ka qenë enëlarësi më i famshëm në botë, tani ai mund të bëhet i njohur si enëlarësi që u bë partner biznesi në restorant.
Të premten e kaluar, restorant ‘Noma’ pati ditën e fundit të punës në lokacionin e tanishëm në Kopenhagë, ku ishte hapur në vitin 2003, shkruan Berlingske, transmeton Gazeta Shneta.
Një ditë më pas, kuzhinieri i famshëm shqiptar, Rene Rexhepi, mblodhi stafin dhe miqtë e shtëpisë në një ndejë me afër 250 mysafirë.
Gjatë kësaj kohe, ai prezantoi projektin për restorantin e ri i cili pritet të hapet më 1 dhjetor të këtij viti, nëse arkitektët kryejnë punë në kohë.
“Është një projekt fantastik, për cila do të jetë vlera e tij pa punëtorët?”, tha ai, dhe më pas zbuloi se enëlarësi nga Gambia Ali Sonko do të jetë njëri nga partnerët e biznesit.
“Ali është zemra dhe shpirti i ‘Nomas’. Njerëzit nuk e dinë çfarë do të thotë të kemi në shtëpi një person si Ali. Ai është gjithmonë i qeshur, pavarësisht se si janë 12 fëmijët e tij”.
“Babai im është quajtur Ali dhe gjithashtu ka punuar si enëlarës kur erdhi në Danimarkë”, ka rrëfyer Rexhepi, i cili është shqiptar me prejardhje nga Maqedonia.
Restoranti i tij është shpallur më i miri në botë. /Gazeta Shneta/