Elita Rudi, moderatorja e njohur televizive, këtë javë u bë nënë. Ajo i dha jetë një djali shumë të bukur e të cilin ka vendosur ta emërojë Zëri.
Elita lindi me lindje normale, duke i dhënë fund një shtatzënie shumë të shëndetshme, e të cilën ajo e ndau me fansat e saj me fotografitë që postonte shumë shpesh.
Edhe pas lindjes, ajo po vazhdon me avazin e publikimit të fotografive, por tanimë me fokus kryesor djalin e saj.
Elita ka njoftur edhe për personin i cili i qëndroi asaj afër gjatë dhe pas lindjes.
Ajo është motra e moderatores, e cila ka përvojë prindërimi pasi ka vite që është bërë nënë. Ndryshe, për Elitën Zëri është fëmija i parë i cili erdhi nga lidhja me këngëtarin me nofkën Gjiko.