Deri më tani, një vit në pandemi, shumica prej nesh e dinë se kushte të caktuara ose zakone personale mund të ndikojnë në shanset tona për të kapur virusin korona ose për të zhvilluar formën Covid të rëndë.
Por ka edhe kërkime në rritje, që disa tipare gjenetike që nuk janë gjithmonë të dukshme me syrin e lirë mund t’ju rrezikojnë më shumë nga sëmundja, shkruan Best Life përcjell Gazeta Shneta.
Tani, një studim i ri nga shkencëtarët e Universitetit të Harvardit dhe Universitetit Emory kanë gjetur më shumë prova që grupi i gjakut mund të luajë një faktor të rëndësishëm në atë se kush ka të ngjarë të infekohet nga Covidi në përgjithësi.
Koronavirusi ka më shumë të ngjarë të bashkohet me një lloj specifik të qelizave të gjakut të tipit A.
Ekipi i shkencëtarëve në Harvard dhe Emory, zhvilluan një studim laboratorik për të kuptuar më mirë se si SARS-CoV-2 ndërvepron me grupet e gjakut A, B dhe O.
Studiuesit u përqëndruan në pjesën e virusit të njohur si fusha e lidhjes së receptorëve (RBD), të cilën patogjeni përdor për t’u bashkangjitur në qelizat pasi të hyjë në trup.
Rezultatet, të cilat u botuan në revistën ‘Blood Advances’, treguan se virusi kishte më shumë të ngjarë të ngjitej në qelizat e tipit A, specifikisht llojin e qelizave të gjakut të gjetura në sistemin e frymëmarrjes.
Ndërsa virusi nuk tregoi afinitet të theksuar për qelizat nga llojet e tjera të gjakut nga grupet B ose O, siç raporton Live Science.
Autorët e studimit besojnë se rezultatet e tyre mund të ndihmojnë të shpjegojnë pse disa njerëz janë më të ndjeshëm ndaj Covid-19.
Fatkeqësisht, ky mund të jetë një faktor rreziku që nuk mund të kontrollohet.
Autorët e studimit theksuan se ndryshe nga kushtet e tjera potencialisht me rrezik të lartë, asgjë nuk mund të bëhet për të zvogëluar rrezikun e krijuar nga përbërja jonë gjenetike. /Gazeta Shneta/