Gjatë vitit të kaluar, masat paraprake shëndetësore që dikur ishin të padëgjuara janë bërë pjesë e jetës së përditshme.
Por ndërsa mbajtja e maskës, distancimi shoqëror dhe larja e rregullt e duarve janë tani krejtësisht të zakonshme, ekzistojnë mënyra të tjera të thjeshta për të shmangur virusin shkruan Best Life përcjell Gazeta Shneta.
Sipas mjekëve të shumtë dhe ekspertëve mjekësorë, ekziston një zonë shumë e ndjeshme e trupit tuaj që po neglizhohet sa i përket mbrojtjes dhe ajo është pjesa e syve tuaj.
Më shumë fokus duhet të vihet në mbrojtjen e syve për të parandaluar Covidin, thonë ekspertët.
Komuniteti shkencor pajtohet gjerësisht se mbajtja e një maske dhe shmangia e turmave është absolutisht thelbësore për të shmangur koronavirusin e ri.
Por, sipas Dr. Peter Collignon nga fusha e sëmundjeve infektive dhe profesor në Universitetin Kombëtar Australian, vëmendja që ne i kushtojmë distancimit shoqëror dhe mbajtjes së maskave të fytyrës duhet gjithashtu t’i kushtohet në atë nivel edhe përdorimit të mbrojtjes së syve në shumë situata, raporton The Guardian.
Studimet kanë treguar që shtimi i mbrojtjes së syve mund të jetë efektiv në ndalimin e infeksionit.
Për të vërtetuar teorinë në fjalë, Dr. Collignon citoi një studim të botuar në ‘Journal of the American Medical Association’ në muajin gusht ku studiuesit zbuluan se 19 përqind e punonjësve të kujdesit shëndetësor të veshur me maska kirurgjikale me tre shtresa, doreza kirurgjikale, mbulesa këpucësh dhe duke përdorur dezinfektues dore vazhduan ende të infektoheshin me Covid.
Por kur mburoja e fytyrës u shtua si masë mbrojtëse e punonjëve shëndetësor, atëherë numri i infeksioneve zbriti në zero, sipas studimit në fjalë. /Gazeta Shneta/