Gratë pas menopauzës mund të mbrohen nga frakturat e ardhshme përmes infuzioneve intravenoze të një ilaçi për forcimin e kockave.
Gratë nga 50 deri në 60 vjeç që morën dy infuzione intravenoze të zoledronatit (Reclast) brenda pesë vjetësh kishin një ulje 44% të rrezikut të frakturave të shtyllës kurrizore, krahasuar me gratë që morën një placebo, sipas rezultateve të publikuara më 15 janar në “New England Journal of Medicine”, raporton burimi Health Day përcjell Gazeta Shneta.
“Rezultatet tregojnë se parandalimi i frakturave vertebrale tek gratë në fazat e para të postmenopauzës është i mundur me infuzione të zoledronatit,” përfundoi ekipi i hulumtuesve i udhëhequr nga Dr. Mark Bolland, profesori i asociuar i mjekësisë në Universitetin Auckland në Zelandenë të Re.
“Kostoja e trajtimit, si për pacientët individualë ashtu edhe për sistemet shëndetësore, ka të ngjarë të jetë e ulët, sepse ilaçi është i përgatitur dhe frekuenca e administrimit është e ulët,” shtoi ekipi.
Në menopauzë, gratë kanë një rrezik 50% për të pësuar fraktura gjatë jetës, veçanërisht pasi kockat e tyre bëhen më të dobëta dhe të brishta gjatë procesit të plakes, tha ekipi i hulumtuesve në shënimet përkatëse.
Zoledronati përdoret për të trajtuar ose parandaluar osteoporozën të shkaktuar nga menopauza, por nuk ishte testuar për të parë nëse trajtimi i hershëm mund të parandalonte humbjen e kockave tek gratë e postmenopauzës, thanë hulumtuesit. /Gazeta Shneta/