Studimet e fundit po tregojnë se ushqimi luan rol të rëndësishëm në shëndetin e trurit përmes të ashtuquajturit “aksi zorrë–tru”, sistemi që lidh traktin tretës me funksionimin e trurit.
Një studim i ri sugjeron se konsumimi i vajit të ullirit, mund të ndikojë në shëndetin mendor dhe funksionin njohës, shkruan burimi Medical News Today transmeton Gazeta Shneta.
Studimi përfshiu 656 persona të moshës 55 deri në 75-vjeç me mbipeshë ose sindromë metabolike, të cilët u ndoqën për dy vite. Studiuesit analizuan llojin e vajit të ullirit që përdornin pjesëmarrësit, mikrobiotën e zorrëve dhe ndryshimet në funksionin njohës.
Rezultatet treguan se personat që konsumonin vaj ulliri ekstra të virgjër kishin përfitime më të mëdha për shëndetin e trurit krahasuar me ata që përdornin vaj të rafinuar.
Sipas studiuesve, kjo lidhet me faktin se vaji ekstra i virgjër përpunohet më pak dhe ruan më mirë antioksidantët dhe përbërësit anti-inflamatorë.
Vaji i ullirit është pjesë kryesore e dietës mesdhetare, e njohur për efektet pozitive në zemër dhe tru.
Studiuesit besojnë se mikrobiota e zorrëve mund të luajë rol kyç në mënyrën se si ky vaj ndikon në ruajtjen e kujtesës dhe aftësive njohëse me kalimin e viteve. /Gazeta Shneta/