Koronavirusi ka vrarë të paktën 1.313.471 njerëz që nga shpërthimi i shfaqur në Kinë dhjetorin e kaluar, sipas një liste nga burimet zyrtare të përpiluara nga AFP këtë të dielë.
Të paktën 54.001.750 raste janë regjistruar. Nga këto, 34.599.700 tani konsiderohen të rikuperuar, shkruan The Guardian, përcjell Gazeta Shneta.
Shumë vende po testojnë vetëm raste simptomatike ose më të rënda thuhet në raport.
Gjatë ditës së shtunës, 9.246 vdekje dhe 607.998 raste të reja u regjistruan në të gjithë botën.
Bazuar në raportet e fundit, vendet me më shumë vdekje të reja ishin Shtetet e Bashkuara me 1.351 viktima, e ndjekur nga Brazili me 921 dhe Meksika me 635.
Shtetet e Bashkuara janë vendi më i prekur me 245.614 vdekje nga 10.905.598 raste. Të paktën 4.148.444 njerëz janë deklaruar të rikuperuar, raportoi AFP.
Sipas vlerësimit të AFP, pas SHBA, vendet më të prekura janë Brazili me 165.658 vdekje nga 5.848.959 raste, India me 129.635 vdekje nga 8.814.579 raste, Meksika me 98.259 vdekje nga 1.003.253 raste dhe Mbretëria e Bashkuar me 51.766 nga 1.344.356 raste.
Vendi me numrin më të lartë të vdekjeve krahasuar me popullsinë është Belgjika me 123 viktima për 100.000 banorë, ndjekur nga Peruja me 107, Spanja 87, Argjentina 78.
Kina – me përjashtim të Hong Kongut dhe Macau – deri më tani ka deklaruar 86.338 raste, përfshirë 4.634 vdekje dhe 81.319 rikuperime.
Ndërsa, Azia ka raportuar 181.799 vdekje nga 11.440.026 raste, Lindja e Mesme 68.991 vdekje nga 2.913.735 raste, Afrika 47.109 vdekje nga 1.966.317 raste dhe Oqeani 941 vdekje nga 30.008 raste. /Gazeta Shneta/