Policia greke, njoftoi këtë të dielë për masat ndaluese mbi tubimet publike të katër ose më shumë njerëzve përderisa spitalet janë të mbingarkuara me raste të reja të koronavirusit.
Është raportuar nga AFP, se Greqia do të mbyllë shkollat fillore, kopshtet dhe qendrat e kujdesit ditor ndërsa vdekjet e lidhura me virusin kaluan një mijë raste, përcjell Gazeta Shneta.
Demonstrata anti-junte (‘junta’ nga fjala greke përfaqson diktaturën ushtarake greke të vitit 1967-1974) është një përvjetor i çmuar për shumë grekë dhe më shumë se 30,000 njerëz morën pjesë në demostratë në Athinë dhe qytete të tjera të mëdha – vitin e kaluar nën një prani të rëndë policore.
Të paktën 24 njerëz u vranë në shtypjen e diktaturës greke të vitit 1973, një ngjarje që zakonisht konsiderohej se kishte thyer kontrollin e juntës mbi pushtetin dhe ndihmoi në rivendosjen e demokracisë.
Këtë vit, megjithatë, të gjitha tubimet publike të katër ose më shumë njerëzve do të ndalohen nga ora 6 e mëngjesit të së dielës deri në ora 9 të ditës së mërkurë për të ndaluar përhapjen e koronavirusit thuhet në një deklaratë.
Gjobat prej 5.000 eurosh do t’u lëshohen personave juridikë dhe 3.000 euro për individët që organizojnë tubime, ndërsa ata që marrin pjesë do të gjobiten 300 euro.
Autoritetet të shtunën, raportuan 2.835 raste të reja me koronavirus, duke çuar gjithsej në 72.510 raste totale, dhe 38 vdekje të reja, duke rritur numrin në 1.035. /Gazeta Shneta/