Përgatitja për të lindur edhe nën rrethana normale mund të jetë pak stresuese, por kur merret parasysh një pandemi virale – si ajo që po ndodh tani me COVID-19, ndikon më tepër tek pacientja.
Shkruan: Dr. Dërgut Aliu, Spitali Lindja
Nëse jeni shtatzënë dhe data juaj e duhur po afrohet shpejt, me siguri keni shumë pyetje se si do të duket procesi dhe lindja juaj, dhe ne dëshirojmë që ju t’i keni të gjitha përgjigjet. A do të më duhet të lind fëmijën tim vetëm?
Shumë spitale kanë shqyrtuar kufijtë se sa mbështetje mund të kenë gratë shtatzëna gjatë procesit të lindjes. Për shkaqe sigurie, është mirë që vetëm stafi mjekësor të jetë prezent. Kjo po praktikohet tek Spitali Lindja, me motrat dhe mjekët që po tregojnë afërsi e mbështetje maksimale për pacienten.
Por, cilat janë masat shtesë që duhet marrë:
-Ngritja e masave të kontrollit për stafi mjekësor që do të jetë në sallë ;
-Ekzaminimi i grave që mund të shfaqen me simptomat COVID-19 të konfirmuar ose supozuar;
-Kufizimi i vizitorëve gjatë dhe pas lindjes;
-Duke zvogëluar kohëzgjatjen e qëndrimeve pas lindjes, duke kufizuar ekspozimin viral ndaj nënave dhe bebeve;
-Duke kufizuar gratë shtatzëna nga ecja në sallat gjatë procesit të lindjes;
A do të jetë në rrezik foshnja ime për COVID-19?
Shumë nëna në pritje të foshnjës janë të brengosura se nëse kanë COVID-19 përgjatë lindjes a mund ta kalojnë virusin te të porsalindurit.
Rreziku më i madh është tek kalimi pas lindjes, prandaj duhet pasur kujdes në procesin e lindjes në mënyrë që të evitohet transmetimi. Ekziston edhe rreziku i bartjes gjatë shtatzënisë. Kjo quhet transmetim vertikal dhe përfshin përhapjen e infeksionit përmes placentës ose lëngjeve trupore të nënës.
Në këtë kohë, shoqata ndërkombëtare raportojnë se nuk ka prova ose të dhëna që sugjerojnë se COVID-19 mund të përhapet përmes transmetimit vertikal.
Nuk ka pasur shumë hulumtime, por deri më tani virusi nuk është zbuluar në lëng amniotik (dhe koronaviruset e tjerë nuk dihen që transmetohen në këtë mënyrë.
Dr. Dërguti tregon për transmetimin e COVID-19 tek bebet nga nënat e tyre
-Ushqyerja me gji
Ju kaloni shumë gjëra të mira tek fëmija juaj gjatë ushqyerjes me gji – por disa patogjene, ilaçe dhe substanca tjera mund të kalojnë përmes qumështit tuaj të gjirit dhe të prekin fëmijën tuaj.
Ka një lajm potencialisht të mirë këtu: Kolegji Amerikan i Obstetërve dhe Gjinekologëve (ACOG) thotë se COVID-19 ende nuk është zbuluar në qumështin e gjirit.
Plus, qumështi juaj i gjirit mund të përmbajë antitrupa nëse jeni të ekspozuar ose infektuar nga virusi, kështu që ushqyerja me gji është ende një mundësi e shëndetshme për fëmijën tuaj.
Për fund, sesi do vazhdojë procesi i lindjes në kushte pandemie varet nga shumë gjëra, por veprimi më i mirë i juaji është të qëndroni afër burimeve të sakta e të sigurta mbi informacionet e marra dhe të jeni në kontakt të vazhdueshëm me profesionistët shëndetësor.
Secili institucion publik e privat që merret me lindje, duhet t’i ndjek me përpikëri rregullat dhe dispozitat e parapara për këtë gjendje nga Ministria e Shëndetësisë, Inspektoriati dhe Instituti i Shëndetit Publik.
Qëndroni në shtëpi dhe gjithmonë në kontakt me mjekun tuaj gjinekolog/obstetër. Mos u stresoni, mendoni me pozitivitet, ne stafi mjekësor do të jemi gjithmonë aty për ju!