Pjesa më e rëndësishme në zhvillimin e një fëmije është padyshim edhe gjumi, por jo rrallë herë dëgjojmë nga prindërit ankesa të shumta rreth parregullësisë së gjumit tek foshnjat.
E, së fundmi mamia Razije Musa ka folur rreth një praktike tek ne që bebet i vënë në gjumë duke i luhatur, por kjo sipas mamisë është diçka e gabuar dhe mund të jetë edhe më frikësuese për beben, shkruan Gazeta Shneta.
Poashtu, edhe vendosja në djep dhe duke e mbuluar sytë me ndonjë leckë është e papranueshme për maminë, derisa jep një zgjidhje rreth kësaj situate kur foshnja është duke qajtë para gjumit.
Për më shumë lexoni të plotë postimin e mamisë Razije Musa: SHPREHITË E GJUMIT Të dashura nana uroj të jeni mirë. Sot po ju shkruaj në lidhje me mënyrat e vënies në gjumë të bebave. Disa nana kam parë që bebat i vënë në gjumë duke i luhatur në plaf/qebe. Kjo është e gabuar, një bebe ndalet së qari kur ndryshon gjendje dhe vendosja nga krevati në qebe që e mban në ajër është frikësuese për beben dhe krijon shprehi të keqe dhe të vështirë të vënies në gjumë. Vendosja në djep duke i mbyllur sytë poashtu është frikësuese dhe jo e pranueshme për mua si profesioniste. Keni shumë mundësi si për shembull kengurin, provoni ta merni beben në kengur dhe lëvizni,një ninullë e bukur mund ta qetësoj dhe kështu të bie në gjumë në një formë më të pranueshme dhe pa ndjerë frikë. Gjithashtu shtrati luhatës është metodë e mirë. Kujdes , gjumi është pjesë e rëndësishme e rritjes prandaj le të ndjehen rehat e të sigurtë të vegjëlit tuaj.Gjumë të ëmbël e të qetë për bebushët.Me dashuri, Razija./Gazeta Shneta/