Me të ardhur sezoni i verës, ku shumica e njerzëve kanë dëshirë të qëndrojnë jashtë duke shijuar rrezet e diellit, por për të gjithë ata që janë bërë prindër, shkuarja në plazh me beben ka disa rregulla.
E, për këtë së fundmi ka folur Mamia Razije Musa e cila ka bërë të diur se është duke qëndruar në Shqipëri, derisa ka kujtuar për të gjitha nënat këshillat se si të qëndroni në plazh me beben, shkruan Gazeta Shneta.
Ajo ka ndarë bebet në bazë të moshës së tyre duke këshilluar për secilën çdo gjë që i duhet, ajo më tej shton se bebet nuk duhet të dalin në plazh pa pasur edhe një kapele të përbërë nga pambuku.
Poashtu, karrocës i vendoset vetëm rrjeta në mënyrë që të parandalojë mushkonjat, dhe jo për ta mbuluar të tërën për shkak se krijohet një ambient shumë i nxehtë për beben.
Për më shumë ndiqni postimin e plotë të mamisë: Të dashura nana, uroj të jeni mirë.Sot po ju përshëndeti nga vendbanimi im i tretë, Shqipëria. Vitin e kaluar në muajin Korrik postova një shkrim në lidhje me regullat e qëndrimit në plazh me beben. Tani dua të u’a rikujtoj ato këshilla që në fillim të sezonit; Te bebat prej 0-6 muaj nuk guxoni të aplikoni kremë kundër diellit, në rast se bëni pushime me beba të kësaj moshe rekomandoj qëndrimin në hije sepse beba merr vitaminë d prandaj nuk ka nevojë të ekspozohet në diell, aq më pak në diellin e fortë të ditëve të verës.
Bebat 6-12 muaj duhet të lyhen me kremë mbrojtëse ndaj diellit me 50 faktorë, por edhe kjo grupmoshë asesi të ekspozohen në diell, nuk rekomandohet që bebat të jenë nën qadra të diellit.
Asesi mos dilni jashtë shtëpisë pa kapele dhe pa mbulesë të bardhë 100% pambuk; Karroca nuk mbulohet por vetëm vendoset rrjeta për mushkonja sepse krijoni nxehtësi dhe parahati për beben; Nëse mendoni që beba duhet të pijë ujë prej 0-6 muaj në sezonin e verës e keni gabim, sepse qumështi i gjirit dhe formula kanë ujë të mjaftueshëm, në cdo rast uji jepet vetëm atëherë kur fillohet me ushqim.
Për të gjitha grupmoshat keni parasysh kohën e daljes në plazhë, mos dilni atëherë kur dielli është shumë i fortë, preferohen mengjeset e hershme dhe pasditja vonshme; Mos harroni dielli është shpatë me dy teha, varësisht si e shfrytëzoni do përfitoni apo do vuani pasojat; Me dashuri, Razija./Gazeta Shneta/