Udhëtimi zakonisht bëhet më ndryshe kur me vete keni edhe beben tuaj, për shkak se kujdesi duhet të jetë maksimal.
Kështu së fundmi mamia Razije Musa ka dhënë disa këshilla rreth praktikave të ndryshme rreth sigurisë së foshnjave në makinë. Gjëja e parë që i ka rënë në sy mamisë janë veshjet e trasha që nënat i veshin foshnjat kur janë në makinë, shkruan Gazeta Shneta.
Mamia tregon se nuk duhet t’i veshni as çorape apo kapele fëmijës, sidomos gjatë stinës së nxehtë të verës. Po kështu zgjidhni lodrat me shumë kujdes, në mënyrë që të mos lëndohet derisa ju të jeni në lëvizje.
Për më shumë lexoni postimin e plotë të mamisë: Të dashura nana uroj të jeni mirë. Sot po i ndaj me ju disa këshilla për udhëtimin me beba. Për sigurinë e fëmijës tuaj ka shumë rëndësi karrika e veturës por edhe mënyra si e vendosni atë. Në Kosovë po shoh qe bebat janë të veshura me shumë rroba kur vendosen në karrikë. Kjo është gabim, veshni fëmijët ashtu si visheni ju dhe kujdesuni të keni me vete vetëm një qebe të pambukut 100%.Tashmë është vera mos u veshni qorape fëmijëve por as kapele, në të kundërten beba nuk do të jetë e qetë dhe do ju humb koncentrimin në vozitje. Mos i leni në dorë ndonjë lodër të fortë, vetëm diçka të butë me të cilën nuk mund të lëndohet.Nëse udhëtoni larg përdorni kondicionerin-klimën, por beba duhet të jetë e kthyer prapa në mënyrë që ajri i ftohtë mos t’i bie direkt në trup , temperatura duhet të jetë në maksimum 22 gradë. Nëse vozit nana, beba duhet të jetë e kthyer prapa, nana duhet të koncentrohet në vozitje, nëse beba qan ndaloni dikund por asesi mos provoni të merreni me të gjatë vozitjes.Keni kujdes sepse gjatë udhëtimit ka të papritura, prandaj merni masat e duhura për nje udhëtim të qetë e të sigurt.Shijoni momentet e bukura.Me dashuri, Razija./Gazeta Shneta/