Sipas njoftimit të fundit të publikuar nga Ministria e Shëndetësisë (MSH) është bërë e ditur se në 24 orët e fundit janë raportuar katër raste të reja me Covid dhe asnjë rast i vdekjes.
Nga 1,467 testime të kryera brenda 24 orëve janë konfirmuar katër raste të reja me Covid shkruan Gazeta Shneta.
Përgjatë kësaj periudhe janë shëruar pesë qytetarë, kurse numri i rasteve aktive në vendin tonë është 105.
Në anën tjetër, brenda kësaj periudhe janë dhënë 11,513 doza të vaksinës anti covid, ndërsa 78,298 qytetarë janë të vaksinuar edhe me dozën e dytë të vaksinës.
Që nga fillimi i procesit të vaksinimit e deri më sot janë administruar 293,693 doza të vaksinës anti covid në vendin tonë./GazetaShneta/