Mbi 30 punëtorë të Klinikës Emergjente në QKUK janë infektuar me Covid gjatë pandemisë.
Drejtori Basri Lenjani ka bërë të ditur se Klinika Emergjente radhitet e dyta pas Klinikës Infektive me më së shumti staf shëndetësor të infektuar.
“Klinika Emergjente renditet në vendin e dytë pas Klinikës Infektive me numër më të madh të infektuarve, prej tyre kemi 32 punëtorë të prekur, mbi 70 për qind janë infermier dhe 30 për qind janë mjekë”, ka thënë ai.
Megjithatë, Klinika Emergjente është mbështetur me mjek nga klinikat tjera, edhe pse Lenjani ka treguar se sfidë vazhdon të mbetet mungesa e infermierëve.
Lenjani i ka bërë thirrje kolegëve të tij nga mjekësia familjare që të mos referojnë raste jo emergjente për shkak të mbingarkesës së klinikës.
Intervistën e plotë të Lenjanit mund ta lexoni në Frontonline.