Në Spitalin e Përgjithshëm, vetëm gjatë 24 orëve të fundit, janë realizuar 4,271 analiza laboratorike për 364 pacientë, duke treguar nivelin e lartë të punës dhe përkushtimin e stafit shëndetësor ndaj pacientëve.
Sipas të dhënave zyrtare të spitalit, po në këtë periudhë janë kryer edhe 68 vizita specialistike, ndërsa 45 pacientë janë pranuar për trajtim spitalor. Aktualisht, 204 pacientë po marrin kujdes të vazhdueshëm në pavijonet e spitalit, raporton Gazeta Shneta.
Në repartin e Gjinekologjisë janë regjistruar dy lindje, ku kanë ardhur në jetë një vajzë dhe një djalë.
Ndërkohë, shërbimet kirurgjikale kanë realizuar 12 operime, ndërsa në njësinë e nefrologjisë janë kryer 40 seanca dialize për pacientët kronikë.
Në pjesën e diagnostikimit janë kryer: 92 ekzaminime me rëntgen, 43 ultrazëra, 29 skanime CT, 16 rezonanca magnetike (MRI).
Në shërbimet kardiologjike janë realizuar 15 ehokardiografi, 5 ergometri, ndërsa në gastroenterologji janë kryer 5 kolonoskopi.
Në shërbimin e Fiziatrisë janë ofruar gjithsej 66 trajtime rehabilituese për pacientët që kanë nevojë për terapi fizike dhe rikuperim./Gazeta Shneta/