Nga janari deri më sot në Klinikën e Gjinekologjisë në QKUK janë kryer mbi 6 mijë e 500 lindje, prej të cilave 43 kanë qenë paciente me Covid-19.
Drejtori i Klinikës së Gjinekologjisë Dr. Jakup Ismajli, ka bërë të ditur se në nga muaji janar deri në shtator kanë lindur mbi 6 mijë e 500 fëmijë vetëm në këtë klinikë, shkruan Gazeta Shneta.
“Nga janari deri në qershor janë 4371 lindje, prej tyre 1575 me prerje cezariane. Në korrik 871 lindje, 297 prej tyre cezariane, në gusht 726 lindje prej tyre 268 cezariane, ndërsa në shtator deri më tani janë 478 lindje dhe prej tyre 179 cezariane”, ka deklaruar Ismajli.
Ai ka shtuar se 43 lindje janë kryer tek nënat që kanë qenë të prekura me Covid-19, prej të cilave 11 kanë qenë lindje spontane.
Ismajli ka bërë të ditur poashtu se gjatë pandemisë në këtë klinikë kanë qenë të prekur gjithsej 40 anëtarë të stafit mjekësor, 10 mjekë dhe 30 mami me Covid-19. /Gazeta Shneta/