Gjinekologu Dr. Dërgut Aliu nga Spitali LINDJA në një intervistë për Gazetën Shneta ka folur për çrregullimet gjenetike dhe zbulimin e hershëm të tyre në javën e 10-të të shtatzënisë.
Ky zbulim mund të bëhet përmes testit NIFTY Plus i cili është jo invaziv dhe bëhet në javën e 10-të të shtatzënisë vetëm me marrjen e gjakut nga gruaja shtatzënë. Gjinekologu i njohur Dr. Dërguti thotë se përmes kësaj analize detektohen anomalitë eventuale kromozomale tek fryti, shkruan Gazeta Shneta.
“Testi NIFTY zakonisht bëhet te gratë tek të cilat ekziston rreziku i rritur i çrregullimeve gjenetike, te gratë në moshë të shtyrë mbi 35 vjet, ose kur gruaja shtatzënë paraprakisht ka pas ndonjë fëmijë me defekte gjenetike. Poashtu edhe në rastet kur dyshohet për ndonjë anomali përmes ultrazërit”, ka shpjeguar gjinekologu.
Ai thotë tutje se Testi NIFTY bazik bëhet te gratë shtatzëna për sëmundjet gjenetike më të shpeshta si defektet e kromozomit 21 apo sindromi Down, Trisomia 18, Trisomia 13, Sindromi Edwards, Sindromi Patau, të cilat sipas mjekut janë më të shpeshta. Por ekziston edhe NIFTY standard me anë të të cilit detektohen shtatë defekte kromozomale, si dhe NIFTY Plus i cili mundëson detektimin e 70 anomalive kromozomale.
Dr. Aliu tregon se saktësia llogaritet të jetë mbi 99 për qind.
“Në klinikën tonë Testin NIFTY e bëjnë përafërsisht rreth 70 deri 100 shtatzëna. Testin e bëjnë sidomos ato gra të cilat kanë pas ndonjë lindje paraprake me defekte të frytit. Por ku e marrin rezultatin e Testit NIFTY dhe është çdo gjë në rregull, atëherë ato janë të kënaqura dhe mezi presin momentin e lindjes sepse fitojnë besim se fryti është mirë dhe nuk ka asnjë problem ose defekte kromozomale”, ka deklaruar gjinekologu Dr. Dërgut Aliu. /Gazeta Shneta/
Testin Nifty tani mund ta paguani edhe me këste në Kosovë. Për të mësuar më shumë për Testin NIFTY Klikoni KËTU.