Është mbyllur konkursi për shefa të reparteve dhe kryeinfermiere në Klinikën e Gjinekologjisë në QKUK.
Në këtë klinikë është zvogëluar numri i reparteve nga 13 në 10 sosh. Konkursi për shefa është hapur për këto reparte: Patologji, IVF, Salla e Lindjes, Lehonat Sekcio, Ambullanta dhe Pranimi, Reparti Paranatal, Onkologji, Lehonat, Konzervativë dhe reparti i Operativës, shkruan Gazeta Shneta.
Ndërkaq konkursi ka qenë i hapur edhe për kryeinfermiere të Klinikës, si dhe tri reparteve: Patologji, Konzervativë dhe Ambulanca Specialistike.
Të gjitha këto pozita i përgjigjen drejtorit të klinikës. Aktualisht kjo klinikë udhëhiqet nga drejtori Zef Ndrejaj. /Gazeta Shneta/
