Meditimi po konsiderohet gjithnjë e më shumë si një mjet efektiv për përmirësimin e shëndetit mendor. Sipas studimeve të fundit, edhe vetëm 10 minuta në ditë mund të kenë ndikim të dukshëm në reduktimin e stresit.
Studiuesit kanë zbuluar se meditimi ndikon drejtpërdrejt në strukturën e trurit, duke forcuar zonat që lidhen me përqendrimin dhe kontrollin emocional. Kjo ndihmon individët të përballen më mirë me situata stresuese, shkruan Harvard Medical School, transmeton Gazeta Shneta.
Përveç kësaj, meditimi ul nivelin e hormonit të stresit, kortizolit. Nivelet e larta të këtij hormoni janë të lidhura me probleme si ankthi, pagjumësia dhe tensioni i lartë i gjakut.
Një tjetër përfitim është rritja e vetëdijes dhe qetësisë mendore. Individët që praktikojnë meditimin raportojnë ndjenja më të larta mirëqenieje dhe stabilitet emocional.
Ekspertët rekomandojnë që meditimi të bëhet pjesë e rutinës së përditshme, sidomos për ata që përballen me stres të vazhdueshëm në punë apo shkollë. /Gazeta Shneta/