Melatonina është një hormon natyral i prodhuar nga gjëndra pineale e trurit dhe është i pranishëm edhe në zona të tjera të trupit, si në traktin gastrointestinal.
Zakonisht, melatonina njihet edhe si hormoni i gjumit shkruan Verywell Mind, transmeton Gazeta Shneta. Ai prodhohet nga truri dhe është përgjegjës për kohën e ritmit tuaj cirkadian (i njohur edhe si cikli juaj gjumë-zgjim).
Melatonina është përgjegjëse për të na lodhur natën dhe më pak gjatë ditës. Prodhimi i melatoninës nxitet nga drita. Andaj, sa më shumë të jemi të ekspozuar ndaj dritës, aq më pak melatoninë sekretohet, ndërsa errësira shkakton prodhimin e melatoninës.
Nivelet e melatoninës gjithashtu kanë një ritëm sezonal, me nivele më të larta në vjeshtë dhe dimër, kur netët janë më të gjata dhe nivele më të ulëta në pranverë dhe verë, kur netët janë më të shkurtra.
Ajo e cila është e rëndësishme ta dijmë është lidhshmërinë mes saj dhe shëndetit mendor.
Meqenëse, melatonina rregullon ritmin tuaj cirkadian dhe gjumin, mungesa e melatoninës mund të shkaktojë probleme me gjumin si pagjumësia.
Çrregullimet e gjumit janë të lidhura me gjendje të tjera shëndetësore si:
-Sëmundjet kardiovaskulare;
-Demenca;
-Diabeti;
-Çrregullime gastrointestinale;
-Hipertensioni (presioni i lartë i gjakut);
-Obeziteti. /Gazeta Shneta/